Energy Regulatory Commission, posible ang pagpalawig sang ‘no disconnection’ policy

Posible nga palawigon pa sang Energy Regulatory Commission (ERC) ang “no disconnection policy” nga dapat kuntani matapos sa Hulyo 31, 2026.

Suno kay ERC Chairman Nino Juan, pagadiskusyunan pa sang komisyon kun mapalawig ang temporaryo nga pagpauntat sang power disconnection bangud sa mga konsumidor nga nabudlayan magbayad sang ila bill.

Ginpahayag man sini ng bangud madamo pa gihapon ang nagareklamo sa mataas nga bayranan sang kuryente.

Dugang pa sang ERC, ginpasugtan man nila ang pila ka electric cooperatives kag power utilities nga hinay-hinayon lang ang pagpasaka sang presyon sa kuryente.

Matandaan nga ginpatuman ang “no disconnection policy” bangud sa pagsaka sang presyo sang gatong kasunod sang tensyon sa Middle East.