Engineer nagpabalhag sa Roxas City PNP matapos nga ginpadal-an sang ‘text message’ nga kasubong ginapahog sang isa sa mga trabahador sa ginakaayo nga mall sa Arnaldo Blvrd., Roxas City

ROXAS CITY – Nagpabalhag sa Roxas City Police Station ang isa ka engineer matapos nga ginpahog sang iya nga trabahador sa isa ka ginakaayo nga mall sa Arnaldo Boulevard, Roxas City.

Ginkilala ang tagreklamo nga si Robbie Manawatao 30-anyos sang Arnaldo Blvrd., Barangay Baybay sining siyudad.

Sandig sa ginpabalhag sang tagreklamo nga nakabaton ini sang text message gikan sa wala matumod nga persona nga trabahador sang SABRE matapos nga wala ang mga ini nakabaton sang ila nga sweldo.

Ginaalegar nga may yara sang indi pag-intiendihanay sa tunga sang mga trabahador kag kay certain Junie Moreno/Sabre.

Bangud diri, ginpakamaayo na lamang sang tagreklamo nga ipabalhag sa pulisya ang natabo