MANILA, Philippines – Nagpatuman sang bag-o nga pagsulondan ang Energy Regulatory Commission “ERC”, nga indi na makapasubra sang operasyon ang isa ka power generation company sang labaw sa 7.05 gigawatts sa bug-os nga pungsod matapos ginpamenos ang ginatugotan nga installed generating capacity para sa 2026.
Sa pinakamataas nga installed generating capacity sang national grid para sa sini nga tuig amo ang 28,197.05 megawatts (MW), nga manubo gamay kumpara sa 28,390.07 MW sang nagligad nga tuig.
Suno sa bag-o nga pagsulondan yara sa 20,422.8 MW ang maximum installed capacity para sa Luzon, 3,478.3 MW para sa Visayas, kag 4,295.9 MW para sa Mindanao.
Bangud sini, wala ginatugutan ang bisan ano nga power generation company nga mag-angkon, mag-operar ukon magkontrol sang labaw sa 7,049.26 MW sang kapasidad sa national grid, nga mas manubo kumpara sa 7,097.52 MW nga limitasyon sang nagligad nga tuig.
Ginpahayag man sang komisyon nga ang mga kumpanya indi mahimo makadugang sang labaw sa 6,126.84 MW sa Luzon, 1,043.5 MW sa Visayas, kag 1,288.78 MW sa Mindanao.
Dugang pa sa ginbase nga layi, indi dapat mag-angkon ukon magkontrol ang isa ka power generation group sang sobra sa 30 porsyento sang installed generating capacity sa isa ka grid kag indi man maglapaw sa 25 porsyento ang kabug-usan nga installed generating capacity sang pungsod.
Lakip sa magapabilin nga epektibo ang ini nga limitado tubtob sa masunod nga pagrepaso sang ERC nga mahimo ipaguwa sa Marso 15 sang masunod nga tuig.
Sa padayonm man nga pagpakug angot sa ERC, ang tikang nagapakita nga masiguro ang patas nga kompetisyon sa tunga sang mga nagaserbisyo sa industriya sang enerhiya.
Nahibaluan sa pahayag naman ni Francis Saturnino Juan nga ang bag-o nga mga numero makabulig sa mas maayo nga pagplano kag pagmonitor sang sektor sang kuryente, labi na sa padayon nga pagdugang sang renewable energy facilities kag battery energy storage systems sa pungsod.
