Ginatun-an sang Energy Regulatory Commission (ERC) ang pagpanubo sang retail choice threshold sa 50 kilowatts (kW) sa tuig 2027 agud mas madamo nga mga konsumidor ang mahatagan sang kahigayunan nga makapili sang ila electricity supplier.
Suno kay ERC Chairperson kag CEO Francis Saturnino Juan, gina-evaluate pa sang komisyon ang epekto sang bag-o lang nga pagpanubo sang threshold sa 100 kW gikan sa nagligad nga 500 kW.
Ini suno sa iya kabahin sang roadmap sang ERC agud amat-amat nga mapasangkad ang Competitive Retail Electricity Market tubtob sa household level, kon sa diin ang tanan nga mga konsumidor ang may kahilwayan sa pagpili sang ila electricity provider.
Ginalauman sang ERC nga mangin handa ang mga distribution utilities kag electric cooperatives para sa implementasyon sang mas manubo nga threshold sa masunod nga tuig.
