Nagapanindugan si Senate President Francis “Chiz” Escudero nga sa 20th Congress pa maumpisahan ang impeachment trial ni Vice President Sara Duterte.
Suno kay Escudero, wala sang bastante nga panahon subong agud talakayon ang impeachment case sang bise presidente.
Ginpanginwala man sang Senate President nga sala sang Senado kun ngaa indi madayon ang impeachment trial sa 19th Congress.
Ginbasol ni Escudero ang Kamara bangud pahayag niya mas ginpili sang House nga i-file ang impeachment case sa ulihe na nga adlaw kag oras.
Apang suno sa iya, ang pag-convene sang impeachment court ang madayon bwas, Hunyo 11.
Natalana sa Hunyo 13 ang pag-adjourn sang 19th Congress samtang ang 20th Congress naman ang magabukas sa Hulyo 28, sa adlaw sang ika-apat nga State of the Nation Address (SONA) ni President Ferdinand “Bongbong” Marcos Jr.
