CEBU CITY – Patay ang isa ka 18-anyos nga babaye nga estudyante matapos nabungguan kag nalapakan sang ambulansya samtang naga-angkas sa motorsiklo sa Cebu City sang Martes.
Sa impormasyon nga ginpakigbahin sang mga otoridad, magapadulong kuntani sa eskwelahan ang biktima kaupod ang classmate niya nga rider sang hinali nalang sila nga nabungguan sang ambulansya nga ginapahayag nag-counterflow sa Archbishop Reyes Avenue flyover. Natalbo ang biktima sa karsada kag nag-angkon sang patal nga pilas sa ulo kabangdanan sang kamatayon sini samtang kritikal naman ang rider.
Sa imbestigasyon, nahibaluan nga may dalal-on nga pasyente ang ambulansya sa Cebu City Medical Center sang matabo ang insidente.
Sa subong, yara na sa kustodiya sang traffic enforcement unit ang driver sang ambulansya, samtang ginatunan naman sang mga otoridad ang hagna nga dumilian an mga motorsiklo sa nasambit nga flyover agud malikawan ang kasubong nga aksidente.
