Nagahilibion ang isa ka estudyante sang Alternative Learning System kag newly identified drug personality matapos nga nadakpan sa ginkasa nga drug buybust operation sa gintingob nga pwersa sang mga katapo sang Capiz Police Provincial Office, Provincial Drug Enforcement Team (PDEA) kag Provincial Drug Unit (PDEU) sa parking area sa likod sang Gaisano Mall sa Arnaldo Boulevard, Roxas City.
Ginkilala ang arestado kay Markhiz Reguire 22-anyos sang Barangay Dayao, Roxas City.
Sa interview sang Bombo Radyo Roxas kay Police Lt. Col Julius Balano, ginakabig nga newly identified drug personality ang suspek.
May yara man sang gintumod nga pangalan ang suspek nga ginakuhaan sini sang mga ilegal nga droga sa diin ginpaidalum na ini sa balidasyon sang mga ororidad.
Nahibaluan nga narekober sa suspek ang duha ka sachets sang ginapatihan shabu, P1,000 nga buybust money kag isa ka unit sang cellphone.
Magapangatubang naman ang suspek sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
