Amat-amat na nga gina-evacuate sang European countries ang ila mga citizen sa Middle East samtang nagabaskog pa ang Israel-US war batuk sa Iran.
Nagapakig-angot na ang United Kingdom sa mga airlines agud mapasangkad ang evacuations.
Nagahanda naman ang France nga mag-evacuate sa ila citizens nga may duha ka flights kada Martes sang gab-i. Ginabanta 40,000 ka mga French citizens ang yara sa rehiyon.
Nag-arrange naman ang Italy sang ila duha ka special commercial flights halin sa Oman pakadto sa Rome para sa 300 ka tawo lakip na ang mga estudyante. Dugang nga flight subong nga Myerkules ang naka-schedule naman halin sa Muscat.
Nakahugpa naman sa Prague sa Czech Republic ang una nga government evacuation plane sang pungsod. Nag-abot ang military Airbus halin sa Jordan kag may kapasidad nga 40 ka mga pasahero, samtang ginalauman nga may duha pa ka mga eroplano nga maabot.
