May cryptic post na naman ang ex sang aktor nga si Anthony Jennings nga si Jam Villanueva.
Nag-repost ini sang malip-ot nga video sang isa ka motivational speaker nahanungod sa pagpatawad sa kaugalingon.
“Forgive yourself for letting someone make you feel like you were easy to let go. Forgive yourself for making them number one when you were just a second thought. Forgive yourself for letting them heal when all they did was hurt you,” kabahin sang gin-repost sini nga video.
Madumduman nga ginbuyagyag ni Jam ang baylohanay sang mensahe sang ex niya kag ka-loveteam sini nga si Maris Racal nga ginapahayag pagluib sang duha.
Nagapati ang mga netizen nga para ini kanday Maris kag Anthony nga pagkatapos sang pag-expose niya nagpangayo sang public apology ang duha kun sa diin tunga ang nangin opinyon sang mga fans nila. Mas madamo ang ginbasol ang aktor.
Apang kaangay nga indi pa ini tapos sa pagtimalos kag panugyan sa iya sang mga netizen nga dapat na siya nga mag-move on.
Dapat suno diri nga sundon niya ang ginpahayag ni Kathryn Bernardo nga patawaron niya anay ang iya kaugalingon antes mo patawaron ang iban. Dugang pa nga dapat magpakalinong na ini sa ila pagbulaganay agud indi man ini ma-bash.
Bangud kasubong nga nag-backfire man sa iya ang ginhimo niya nga pag-expose sa duha kag ilabi pa suno diri nga nagaasikat si Maris sa ginhimo niya.
Madamo ang nagasiling nga kun tani maka-move on na si Jam bangud madamo man dira sang lalaki kag bag-o lang graduate.
