Nagpasaka sang mosyon si anay Senador Bong Revilla Jr. agud pamatukan ang pagdugang sang bag-o nga respondents sang National Bureau of Investigation sa kaso nga plunder nga ginpasaka sa Department of Justice.
Suno kay Atty. Francesca Señga, ang nasambit nga mosyon isa ka pagpamatok sa indi maathag nga rason sang pagpasulod sang apat ka anay opisyal sang Department of Public Works and Highways bilang mga bag-o nga respondents nga ginakalakipan nanday Denryl Caesar Cortuna, Manny Bulusan, Ruel Umali, kag Arturo Gonzales Jr.
Gin-ako naman sang kampo ni Revilla nga nagapalibog sila sa tikang sang NBI, samtang ang paathag sang Department of Justice, posible nga base sa dugang nga ebidensya ukon affidavits ang desisyon.
Gintalana ang masunod nga hearing sa Marso 13 para sa pagpasa sang mga cpunter-affidavit sang mga bag-o nga respondents.
