Ex-women’s national basketball player nga si Vicki Brick, nagtaliwan na

Nagtaliwan na ang former women’s national basketball player sang pungsod nga si Vicki Brick sa edad nga 43-anyos.

Ginkumpirmar sang pamilya sini nga wala na sini nasarangan ang pagpakigbato sa ovarian cancer.

Ang Filipino-American guard naghampang sa Maryland sa US NCAA.

Naghampang ini sa Philipipine Team ukon kilala sa karon bilang Gilas Pilipinas Women sa idalom sadto ni coach Fritz Gaston.

Kalakip si Brick sang magdaog ang pungsod sang bronze medal sadtong 2007 Southeast Asian Games nga ginhiwat sa Nakhon Ratchasima.

Matapos ang paghampang, gindumalahan sini ang negosyo sang pamilya sa Baltimore nga amu ang Brick Bodies Fitness.