Nagapati ang Executive Director sang Ibon Foundation nga indi lang ‘one time big time’ rally ang kinahanglan sang pungsod Pilipinas batok sa kurapsyon.
Sa interview sang Bombo Radyo kay Mr. Sonny Africa, iya ginpahayag nga asud-asud nga hublag-protesta ang isa sa pamaagi agud nga mapukaw ang mga mataas nga mga opisyal.
Suno kay Africa, indi maresolba sang isa lang ka adlaw ang madugay na nga problema sang kurapsyon sang pungsod kag makabig pagpanunto lang sa kaugalingon.
Pahayag pa niya, ang nasambit nga aktibidad ang mahimo lang nga ilihis ang matu-od nga isyu nga amo ang nagakadapat nga ginatutukan.
Nahibaluan nga una na nga nagpanawagan si former Ilocos Sur Governor Chavit Singson sang isa ka one time big time rally sa publiko agud supilon ang kurapsyon.
Nagapanawagan man ang natungdan sang kooperasyon kag pag-ugyon sa publiko agud ululupod nga igasinggitan ang atun kinamatarong sa transparent kag patas nga pag-ginobyerno.
