Ginkasadya sang mga senador ang pag-isyu ni Presidente Bongbong Marcos sang Executive Order natuhoy sa dalayon nga pag-ban sang mga Philippine Offshore Gaming Operations (POGO) sa pungsod.
Suno kay Senate Committee on Ways and Means Chairman Sherwin Gatchalian, ini ang nagapamatuod sa commitment ukon promisa sang gobyerno nga pangalagaan ang mga pumuluyo kag pungsod halin sa mga pagpang-abuso kag risgo nga tuga sang POGO.
Gindayaw man sang mamalidha ang mga nagakaigo nga ahesya kasubong sang Presidential Anti-Organized Crime Commission (PAOCC), Philippine National Police (PNP), kag National Bureau of Investigation (NBI) sa ila agresibo nga pagdakop sa mga POGO sa pungsod.
Samtang, ginsiguro naman ni Senator Joel Villanueva nga padayunon gihapon sang pa Senado ang pagpakusog sa Anti-POGO Act kag Anti-Online Gambling Act nga ang pareho nga ginatuyo amo ang waskon kag pamatbatan ang tanan nga sahi e-gambling sa pungsod.
Dugang pa ni Villanueva, ang legislative action ang mas magapapag-on sa polisiya sang Ehekutibo batuk sa mga POGO kag magahatag sang impact para sa pungsod.
