ROXAS CITY-Kasado na ang ipatuman nga ‘Exit Strategy’ sang pungsod Belgium sa pihak nga padayon ang pagtaas sang kaso sang covid-19 disease pandemic.
Ginpahayag ni Joy Amper, Bombo International Correspondent sa pungsod Belgium may ipatuman nga 3 phases ang pungsod kasunod sa exit strategy sa maabot nga Lunes nga adlaw.
Suno kay Amper sa phase 1, mandatory ang pagsuksuk sang facemask kadungan sang pagbukas sang mga establismento apang limitado ang makasulod kasubong sa mga empleyado kag mga kostomer
Samtang sa phase 2 kag phase 3, magabukas na ang mga restaurants, bars kg cafes apang limitado sa gihapon ang pahanugutan nga makasulod kag hugot nga ipatuman ang social distancing.
Magabalik naman sa normal ang klase sa pungsod apang limitahan sa napulo ka mga estudyante ang makasulod sa buluthuan.
Samtang naghagan-hagan naman ang pagsaka sang kaso sang covid-19 sa pungsod bangud sa hugot nga pagpatuman sang social distancing kag pila ka mga ginahimo nga tikang sang gobyerno sa pagdala sa ospital sang mga covid-19 patients, apang wala na ginadala sa hospital ang mga katigulangan.
