Maga-abot sa Pilipinas ang tatlo sa original members sang F4 nga sanday Jerry Yan, Vic Chou, kag Vanness Wu, kaupod ang front man sang Taiwanese band nga Mayday nga si Ashin.
Kabahin ang Manila sa libuton sang grupo para sa “F Forever” tour apang wala pa ginhatag ang eksakto nga petsa sang ila pagbisita sa pungsod.
Ginkumpirma sang Taiwan-based label nga B’in Music nga ang Pilipinas ang isa sa mga destinasyon sang ila tour, kaupod ang Chongqing, Jakarta, Bangkok, Singapore, kag Kuala Lumpur.
Nakilala ang F4 kasunod sang hit 2001 drama nga “Meteor Garden” nga nangin cultural phenomenon sa Asia, lakip na ang Pilipinas.
Bilang isa naman ka music group, naka-release ang F4 sang albums lakip na ang “Meteor Rain” (2001), “Fantasy 4ever” (2002), kag “Waiting for You” sang (2007).
