ROXAS CITY – Indi makapati ang mga sports fanatics sa San Francisco, California sa nangin kadalag-an sang Boston Celtics batuk sa Golden State Warriors sa Game 1 sang best of seven series sang 2022 NBA Finals.
Sa interview sang Bombo Radyo kay Bombo International Correspondent Greg Aguilar, direkta sa California, USA, suno diri nga indi makapati ang mga fans sang Warriors nga napiyerde ang ila ginasuportahan nga hubon, sa homecourt pa mismo sang GSW.
Shocking result man suno diri ang mga tira sang three points sang GSW ilabi na kay Stephen Curry, nga wala magsulod ilabi na sa 2nd quarter sang hinampang.
Sold out man ang tickets kag bisan pa sa guwa sang Chase Center, gindagsa man sang mga fanatics.
Ginpahayag man sini nga dako ang mabaton sang nagtaya sa Boston Celtics bangud kun nagtaya ang bettors sang $100 magadaog ini sang $130.
Sa phak sini, nagalaum sa gihapon ang fans sang Warriors nga makabawi ang amu nga hubon sa Game 2 nga pagahiwaton sa gihapon sa homecourt sang Golden State Warriors sa Hunyo 6, alas-8 sa aga, oras sa Piipinas.
Mahimo man ini sa gihapon malantaw, pinaagi sa blow-by-blow coverage sang Bombo Radyo Roxas.
