ROXAS CITY – Kaangay sa kadam-an nga mga pungsod sa kalibutan, ginaselebrar man sa Japan ang adlaw sang mga Amay.
Sa interview sang Bombo Radyo kay Mr. Josel Palma, Bombo International Correspondent ginpahayag sini nga kaangay sa madamo nga pungsod sa kalibutan, ginahatagan man sang oras sang mga Hapon ang Father’s day celebration, kada ikatatlo nga Domingo sa bulan sang Hunyo.
Suno diri, may pila lamang nga pinasahi nga ginahatag ang mga kabataan nga Hapones sa ila Amay, kaangay nalang sa paghatag sang yellow roses kag regalo nga pagpakita sang ila pagtahod kag pagpalangga.
Ginahatagan man ang mga ini sang makahulubog nga ilimnon kag sigarilyo, nga kaangay sa iban nga pungsod may pag-inom-inom nga ginahiwat sa amu nga selebrasyon.
Kilala man bilang mga mahipuson ang mga amay nga Hapon apang malapit sa ila mga kabataan.
