Isa ka makahalawhaw nga 65-foot birdie putt sa katapusan nga buho ang naghatag kay J.J Spaun sang titulo sa US Open sang Domingo, ang iya una nga mayor nga titulo sa golf walay sapayan sang lima ka bogey sa una nga anom ka buho.
Si Spaun magadala pauli sang $4.3 milyones nga premyo nga kuwarta.
Ang 34-anyos nga Filipino American ang nagtapos sang torneo sa one-under-par 279, duha ka strokes nga abanse kay Robert Macintyre sang Scotland. Si Viktor Hovland sang Norway ang nagtapos man sa ikatlo nga pwesto sa 282.
Madugay na siya nga yara sa likod sang leaderboard, apang nahimo niya ini sa katapusan nga siyam ka buho — lakip ang apat ka birdies sa katapusan nga pito. Ang isa sa pinakadramatiko amo ang 65-foot birdie sa hole 18 nga nagselyo sang iya kadalag-an.
Si Spaun ang una nga kampeon sa US Open nga naka-bogey sa una nga tatlo ka buho sang katapusan nga hugna. Ang 96-minutos nga atraso sa panahon nakabulig man sa iya nga mag-focus liwat antes ang back nine.
Samtang, ang mga Fil-Am golf contenders nga sanday Sam Burns kag Adam Scott napaslawan. Si Burns may Lima ka over sa 12 ka buho.
