ROXAS CITY – Tobtob na lamang sa Septiembre 30, 2021 ang katapusan nga adlaw sa voter’s registration para sa mga luyag magboto sa Presidential/Local election sa tuig 2022.
Ginpahayag ni Atty. Jomar Betita, City Comelec Officer nga napagkit na ini nga petsa sa calendar of activities sang Commission on Elections ukon COMELEC.
Magasugod man ang filing sang certificate of candidacy (COC) sa luyag magpadalagan humalin sa posisyon sa pagka-presidente panaug sa city councilor kag sangguniang bayan member sa Oktubre 1-8, 2021.
Suno pa kay Betita nga ginpalawig man sang talatapan tobtob las 5 sa hapon ang voter’s registration apang kada Lunes nga adlaw, sarado ang talatapan kag wala sang transaction bangud gina-disinfect ang opisina kag ila mga kagamitan.
