Gin-ako sang Filipina tennis superstar nga si Alex Eala nga malawig pa ang iya pagaagyan antes siya matuod-tuod nga maka-compete sa mga pinakamaayo nga humalampang sa kalibutan sang tennis matapos ang iya 6-0, 6-2 nga kapierdihan kay American tennis player nga si Coco Gauff sa quarterfinals sang Dubai Duty Free Tennis Championships.
Suno sa mga report, madamo siya sang kahigayunan nga mapauswag ang iya mga skills sa real matches, angud ginalauman nga mahatagan siya sang wild card sa pila ka mga tournaments kun sa diin indi siya automatic qualifier sa main draw.
Bangod sa kadamuon sang mga Filipino fans nga nagatambong sa iya mga hampang, gin-adjust sang mga organizers ang iskedyul agud tugutan siya nga maghampang sa center court, isa ka lihok nga ginasundan sa tion sang Australian Open pagkatapos nga ma-criticize ang venue sang iya nga singles match.
Sa subong, si Gauff ang yara sa ika-apat nga pwesto sa kalibutan, samtang si Eala ang yara sa No. 47. Apang sang nagligad nga tuig, ginpamatud-an niya nga indi imposible nga daugon ang mga giants, lakip na ang iya makatilingala nga kadalag-an batok kay Iga Swiatek sa Miami Open.
