Filipinas, all-set na sa ASEAN Women’s Futsal Championships

Mas ginapreparahan na subong sang women’s national football team nga Filipinas ang pagahiwaton nga ASEAN Women’s Futsal Championship nga ang host amo ang pungsod.

Ginpahayag ni Philippine Football Federation president John Gutierrez nga yara na sa 100 percent nga nakahanda ang Pilipinas sa hampang nga magasugod halin Nobyembre 16 tubtob 21 sa PhilSport Arena.

Ang pang-59 nga ranked nga Filipinas ang magapangatubang sa mga mabakod nga grupo nga world number 6 nga Thailand, number 11 nga Vietnam, number 24 nga Indonesia kag number 37 nga Myanmar.

Dugang pa ni Gutierrez nga isa ka dako nga kahigayunan na ini sa karon agud mapamatud-an ang baskog sang Filipinas para sa pagsabak sa World Cup sa masunod nga taon.