Nagnubo ang rankings sang Philippine women’s national football team.
Sa pinaka-ulihi nga edisyon sang FIFA Women’s World Rankings ang yara sa pang 41 na sila sa karon.
Sadtong nakaligad nga rankings ang yara sa pang-39 ang world rankings sang FILIPINAS.
Isa sa mga nangin dako nga rason sang nasambit nga pagnubo nila sang rankings amo ang magkahalo nga resulta sang FIFA window sadtong nakaligad nga Oktubre.
Ginpiyerde nila ang Jordan 3-0 apang napaslawan sila sa mas manubo nga ranking sa Kenya sa score nga 4-1.
Ang pagkapiyerde sa Kenya ang isa ka dako nga kakibot kun sa diin pang-39 sadto ang ranking sang FILIPINAS samtang ang Kenya ang yara sa pang-151.
Bangud man diri nagtaas man ang ranking sang Kenya nga yara sa pang-149 na sa karun.
Ang Filipinas man amo ang pang-pito nga ranked team sa Asya kun sa diin ang pang walo ang Japan, Pang-siyam ang Korea-DPR, Australia pang-15, pang-17 ang China, pang-20 ang South Kora kag pang-37 ang Vietnam.
Nagapabilin nga yara sa una nga puwesto ang Olympic champion nga USA nga ginsundan sang Spain samtang ang Germany ang yara sa pangatlo nga puwesto.
