Filipino gymnast Karl Eldrew Yulo, sulod na sa horizontal bar finals sang Croatia Gymnastics World Cup

Sulod na sa finals sang horizontal bar si Filipno gymnast Karl Eldrew Yulo sa FIG Artistic Gymnastics World Cup nga ginahiwat sa Croatia.

Nakuha ni Yulo ang pwesto matapos naka-score sang 13.733 points nga nagbutang sa iya sa ikapito nga pwesto sa qualification round sang nasambit nga apparatus.

Ikaduha na ini nga tion nga nakalab-ot siya sa finals sa Croatia leg, pagkatapos man nga nakasulod sa floor exercise finals.

Ang floor exercise finals ang natalana nga hiwaton subong nga Sabado, samtang ang horizontal bar finals naman ang hiwaton buwas nga adlaw.

Padayon nga nagasaka ang performance ni Yulo sa international stage, nga nagahatag sang kadungganan sa Pilipinas sa patag sang gymnastics.