Firecracker-related injuries sa Pilipinas, nagsaka na sa 142 — DOH

Nagdangat na sa 142 nga kaso sang fireworks-related injuries ang nabalhag sang Department of Health (DOH).

Suno sa ahensya sa nakaligad lang nga 24-oras nabalhag nila ang 17 nga bag-o nga kaso sang napabalita nga napilasan sa mga iligal nga palupok.

Kun sa diin mas mataas ini sang 35 percent nga fireworks-related injuries sa pungsod ikumparar sang 2023 nga 105 nga kaso lamang sang fireworks-related injuries ang nabalhag sang DOH.

Nag-abiso naman ang ahensya sa publiko nga likawan ang paggamit sang mga iligal nga palupok kag likawan man ang pagsindi sa mga ini agud makalikaw sa risgoo sa palaabuton nga bagong tuig.

Kun maputukan sang mga iligal nga palupok, bilin sang DOH nga gilayon magpadulong sa pinakamalapit nga ospital sa inyo nga lugar.