Ginalauman nga pabaskugon sang flagship mass transportation projects ang turismo sa pungsod, ini ang suno kay Department of Transportation (DOTr) Secretary Jaime Bautista.
Kumpiyansa si Bautista nga magadamo ang tourist arrivals base sa “robust transport sector”.
Gintumod sini ang aviation projects kasubong sang modernisasyon sang Ninoy Aquino International Airport (NAIA), Laguindingan, kag Bohol-Panglao Airports, subong man ang konstruksiyon sang New Manila International Airport sa Bulacan.
Para sa road transport, ginpahayag ni Bautista nga ang mga proyekto kasubong sang PUV modernization program, expansion sang bike lanes sang pungsod kag Epifanio Delos Santos Avenue (EDSA) Busway ang nagapaligwa sa mass transport experience.
Sa karon, pila ka rail projects ang yara sa “full blast” kasubong sang North-South Commuter Railway atb Metro Manila Subway.
Pila ka proyekto kasubong sang Light Rail Transit Line 1 (LRT-1) Cavite Extension, Metro Rail Transit Line 7 (MRT-7), kag rehabilitation and maintenance sang MRT-3 ang nagapadayon.
Natapos naman sang DOTr kag sang Philippine Ports Authority (PPA) ang pila ka port projects kag madamo pa ang padayon nga ginaubra kasubong sang development sang Babatngon Port sa Leyte sa isa ka regional transshipment hub kag improvement sang Jose Panganiban Port sa Camarines Norte.
