Nagpaandam ang isa ka grupo nga nagamonitor sang mga flight risk nga ang pamahog sa mga American Airlines Operator sang Amerika sa Middle East posible nga magtaas, pagkatapos nga ginbombahan sang Estados Unidos ang mga nuclear sites sang Iran sining karon lang.
Dugang pa, may yara sang serye sang pagbayluhanay sang missile sa tunga sang Israel kag Iran, nga ginalikawan sang mga eroplano.
Bangud sini, madamo nga airlines ang nagkanselar sang ila flights pakadto sa Dubai matapos ang security assessment.
Matapos ang serye sang missile attacks sang Iran, temporaryo nga ginbuksan sang Israel ang ila airspace sa sulod sang anum ka oras sang Domingo agud tugutan ang mga turista nga na-stranded bangud sang grabe nga inaway nga makapauli.
Ang Safe Airspace nagsiling nga ang peligro sa mga U.S. airline operators mahimo nga magdugang bangud sang posible nga pagtimalos sang Iran batuk sa mga interes sang militar sang Amerika sa rehiyon.
Ginpakita man sang FlightRadar24 nga ang pila ka mga eroplano nagapili sang alternatibo nga mga ruta sa aminhan sang Caspian Sea ukon paagi sa Egypt kag Saudi Arabia, bisan pa nga mas mahal ang gatong kag mas malawig ang ila pagbiyahe.
Samtang, madamo man ang nag-suspende sang flights padulong sa mga apektado nga pungsod, samtang nagapadayon ang evacuation flights halin sa mga kaiping nga pungsod.
Magluwas sa rerouting, nagakabalaka man ang mga airlines sa posible pagtaas sang presyo sang langis bangud sa pag-atake sang U.S., nga magapataas sang presyo sang jet fuel.
Antes pa man ang mga pag-atake sang Estados Unidos, ang American Airlines nagkanselar sang mga flight nga nagapadulong sa Quatar kag Dubai.
