Nakabawi ang net inflows sang Foreign Direct Investments (FDI) sa pungsod sa bulan sang Hulyo, suno sa Bangko Sentral ng Pilipinas (BSP).
Sa preliminary data sang BSP, nagaguha nga ang FDI net inflows yara sa $820 million, kung sa diin nagtaas ini sang 5.5% nagikan sa $778 million net inflows nga napagkit sa kaangay nga bulan sadtong tinalikdan nga tuig.
Mahibaluan nga ang FDI net inflows sadtong Hulyo, mas mataas kung ikumparar sa $394-million net inflows nga napagkit sadtong Hunyo, kung sa diin pinakamanubo nga FDI net inflows sumugod sadtong Abril 2020.
Bangud sini, ginsiling sang central bank nga ang foreigners’ net investments in debt instruments nagtaas sang 2.7% year-on-year sa $610 million nagikan sa $594 million.
Kalabanan sa equity capital placements sadtong Hulyo 2024 ang nagikan sa Japan, United States, kag Singapore.
Ang July FDI net inflows naman ang nagdala sa January-July 2024 figure sa $5.3 billion, nga nagtaas sang 7.5% nagikan sa $4.9 billion net inflows sa kaparehas nga panahon sadtong tinalikdan nga tuig.
Ginklaro sang BSP nga ang FDI, nga ang investment isa ka foreign direct investor sa local enterprise, kung sa diin ang equity capital sa katapusan indi magnubo sa 10% ukon isa ka investment nga ginhimo sang foreign subsidiary sa resident direct investor sini.
Ang FDI mahimo nga sa sahi sang equity capital, reinvestment of earnings, kag borrowings.
