Patay ang isa ka anay nga barangay kagawad sang San Pedro, Pateros matapos siya hulaton kag atakehon sang riding-in-tandem.
Ang iya bag nga may sulod sang ginabanta P500,000 ang nakuha man sang mga kawatan.
Ang biktima amo si Mark Herman Tañga, nga nagsakay sa pula nga motorsiklo.
Nakuha sa CCTV nga ginsundan si Tañga sang riding-in-tandem pagkatapos niya magbiya sa ila balay.
Sa isa pa nga kuha sang CCTV, makita nga dugay na nga nagahulat ang duha sa malapit nga lugar.
Magluwas sa iya bag nga may sulod nga P500,000, nakuha man ang motorsiklo sang biktima apang ginbiyaan man ini sang mga suspek malapit sa lugar.
Padayon ang imbestigasyon sang pulis sa pagkilala sang riding-in-tandem kag ang rason sang pagpatay.
Ang pagpangawat ang isa sa mga posible motibo sang pagpatay suno sa paryente sang biktima.
Magatan-ay sang reward money nga P300,000 ang lokal nga panguluhan sang Pateros sa bisan sin-o nga makahatag sang impormasyon parte sa mga suspek.
