Nagapati si former Commission on Elections (COMELEC) Commissioner Atty. Rowena Guanzon nga dapat anay buslan ni Vice President Sara Duterte si Presidente Bongbong Marcos.
Ini matapos na-diagnose ang Presidente nga ay balatian nga diverticulitis.
Sa interview sang Bombo Radyo kay Guanzon, iya ginpahayag nga base sa Article VII, Section 11 sang Konstitusyon, nasaad nga ang Bise Presidente ang mahimu magbulos sa Presidente kun ini ang indi makahimo sang iya mga katungdanan tungod sa balatian.
Suno kay Guanzon, kung magpaidalom sa operasyon ang Presidente nga may general anesthesia, ini ang makabig nga temporaryo incapacitation.
Ang amo nga pahayag ang nagbukas liwat sang diskusyon parte sa constitutional line of succession sa diin nagakadapat nga buslan sang bise presidente ang presidente kung indi na ini makahimu sang iya katungdanan.
Nagpanawagan man si Guanzon kay Executive Secretary Ralph Recto nga isugid sa publiko ang matuod nga kahimtangan sang presidente bangud ini ang nasaad sa Konstitusyon.
