Ginbalik ni Gerard Opulencia, nga anay Regional Director sang Department of Public Works and Highways (DPWH), ang P40 million sa gobyerno, suno sa Department of Justice (DOJ).
Ginsiling ni Acting Justice Secretary Fredderick Vida nga kabahin lamang ini sang P150 million nga luyag ibalik ni Opulencia.
Suno kay Prosecutor General Richard Fadullon, ang nga ginbalik ang nagikan pa sa iban nga mga transaksyon sang si Opulencia pa ang director sa Metro Manila, kag indi sa proyekto sang flood control sa Bulacan, kun sa diin ginpanginwala niya nga nagabaton siya sang kickback.
Kalakip si Opulencia sa mga ginpasulod sa Witness Protection Program (WPP) bangud sa importansya sang iya nga mga testimonya. Samtang ang iban pa nga anay mga kaupdanan sa programa, kaangay nanday Brice Hernandez kag Jaypee Mendoza, ang wala na ginbaton.
Si Opulencia, kaupod si Henry Alcantara sang Bulacan, ang nagbalik na man sang dako nga kantidad sa gobyerno.
