Hugot nga ginpanginwala ni anay Executive Secretary Lucas Bersamin ang report nga nagbuya siya sa katungdanan, kabalisakaran sa pahayag sang Malacañang.

Suno kay Bersamin, wala siya sang ano man nga resignation nga ginpasa kag nakibot na lamang sang mabasahan nga nagbuya siya bangud sa “delicadeza”.

Ginpanginwala man niya ang pagkaulamid sa kontrobersiya sa flood control projects, partikular sa ginaalegar P52 billion insertion.

Pahayag nya, wala sang kamatuuran ang alegasyon nga ginsiling niya kay DPWH Secretary Manny Bonoan nga “pagdumalahan nila” ang nasambit nga pondo, kag ginsiling niya nga indi credible nga source si Bonoan.

Naggwa ang iya nga pahayag matapos ginsiling ni Senate President Pro Tempore Panfilo “Ping” Lacson nga ginaalegar naulamid si Bersamin sa nasambit nga isyu, base sa impormasyon nga halin kay Bernardo.

Madumduman nga una na nga gin-anunsyo sang Palasyo nga nagbuya si Bersamin kag Budget Secretary Amenah Pangandaman bangud sa kontrobersiya, butang nga liwat ginpanginwala sang anay opisyal.