ROXAS CITY – Pormal na nga nagfile sang ila Certificate of Candidacy ang grupo ni Former Mayor Dr. Evan Dodoy Contreras sa banwa sang Pontevedra sa idalum sang Partido Aksyon Demokratiko.
Sa interview sang Bombo Radyo kay Contreras nga wala ini sang ka-tandem nga bise-alkalde sa iya grupo bangud maayo man ang ila relasyon sa duha nga magapapili nga bise-alkalde sa ila banwa nga sanday Moises Dumapig kag Ferne Oquendo nga yara sa iban nga grupo.
Suno kay Contreras nga wala sang problema nga wala sang bise-alkalde nga kaupod sa ila linyada kag may ara gid lamang ini sang lima ka mga kandidato sa pagka SB Member.
Ini ang ginalakipan sang tatlo ka mga Punong Barangay nga amu sanday Arnel Barrientos sang Banate, Ramon Dunton sang Jolongajog, Rey Dacles sang Barangay Agdalipe, ang incumbent nga si Erwin Borres, kag ang retirado nga pulis nga si Ex Dorado.
