Gitpamatbatan sang life imprisonment si Former SoKor President Yoon Suk-yeol sa insurrection charges may kaangtanan sa martial law declaration sang Disyembre tuig 2024.
Suno kay Presiding judge Ji Gwi-yeon, gin-alegar nga ginguba ni Yoon ang demokrasya sang South Korea kag suno sa iya, nagakabagay lamang ang mabug-at nga pagsilot sa anay presidente.
Ginpahayag man sini nga ang pagdeploy sang armado nga mga soldado sa parliament building kag pagdala sa ila paagi sa helicopter isa ka insurrection.
Matapos mabatian ang desisyon, wala sang emosyon nga ginpakita ang anay presidente sang South Korea samtang makita nga dismayado kag akig ang linibo ka mga supporters ni Yoon nga nagtipon sa guwa sang korte.
Matandaan nga si Yoon ang napreso na sang masobra isa ka tuig bangud sa isa pa ka conviction may kaangtanan sa gihapon sa martial law order.
Samtang, duha sa mga akusado ang napamatud-an nga wala sang sala, lakip na si Kim Yong-gun, Former leader sang defense ministry investigation bureau, kag si Yoon Seung-yeong, Former leader sang police investigation bureau.
