Ginpakigbahin sang anak ni Former President Rodrigo Duterte nga si Veronica “Kitty” Duterte nga luyag sang iya amay nga maghiwat sang public gathering agud magselebrar sang iya ika-81 nga kaadlawan sa Marso 28.
Suno kay Kitty Duterte, ginaplano kag gina-organisar nila sa subong kun ano ang himuon para sa plano nga public gathering, nga para sa mga pumuluyo.
Dugang pa ni kitty, wala pa sang desisyon ang pamilya Duterte kun sin-o sa ila mga miyembro sang pamilya ang magakadto sa The Hague, Netherlands agud magselebrar sang nasambit nga okasyon.
Ini na ang ikaduha nga kahigayunan nga magasaulog sang iya kaadlawan ang anay Presidente sa detention facility sang International Criminal Court (ICC) sa Hague, Netherlands samtang ginahulat ang desisyon sang Pre-Trial Chamber I kon bala mapadayon sa full trial ang hearing sa kaso nga crimes against humanity pagkatapos sang apat ka adlaw nga confirmation of charges.
