Ginakabig sang administrador sang CAPSU Mambusao nga daku nga bulig ang free WiFi access nga ginprovide sang DICT sa ila buluthuan humalin sang Hulyo 2020.
Ginpahayag ni CAPSU Mambusao Administrator Adelfo Virtudazo nga daku nga bulig sa mga estudyante ang programa sang gobyerno labi na nga wala sang face to face classes sa karon.
Apang may 30 minutos lamang nga limit ang pag-access sa free wifi bangud , gilayon nga madula ang connection sini sa sulod sang isa ka adlaw.
Nagapati si Virtudazo nga katuyuan sa ginahatag nga limitasyon agud tanan ang maka-access sa free wifi.
Samtang ginpanginwala naman ni Engr. Lorwell Onglatco, provincial director sang DICT nga may 30 minutos nga limit ang pag-access sa wifi.
Suno diri nga unli pa sa karon ang wifi nga gin-install sang ahensiya apang kun magdamo na ang nagagamit posible nila ini nga i-program sa tatlo ka lebel sang user kag mga wifi sites.
