Ginkumpirma ni President Emmanuel Macron sang France nga isa ka French soldier ang napatay samtang pila ka iban pa ang pilason sa pagpang-atake nga natabo sa Iraqi Kurdistan sa Iraq.
Ang soldado nga napatay amo si Warrant Officer Arnaud Frion, myembro sang 7th Alpine Chasseurs Battalion, isa ka French mountain infantry unit.
“Warrant Officer Arnaud Frion of the 7th Alpine Chasseurs Battalion in Varces died for France during an attack in the Erbil region of Iraq,” pahayag ni President Macron pinaagi sa post sini sa X.
Ang attack natabo malapit sa Erbin, capital sang autonomous region nga kilala bilang Iraqi Kurdistan sa Iraq.
“This attack against our forces, engaged in the fight against ISIS since 2015, is unacceptable,” dugang pa niya.
Hugot nga ginapakamalaot sang France ang amo nga insidente.
Suno kay Macron, ang mga soldado nga yara sa Iraq ang nagabulig sa pagpakig-away sa extremist group nga Islamic State of Iraq and Syria (ISIS), sa diin ginapakigbatoan na sang France humalin sang 2015 bilang kabahin sang international coalition.
Gintawag ni Macron nga “unacceptable” ang pagpang-atake, kag ginapanindugan nga ang presensya sang militar sa Iraq ang para lamang sa counter-terrorism operations.
Dugang pa sang presidente, ang regional tensions nga ginakaulamiran sang Iran ang indi dapat paggamiton bilang rason sa pagpang-atake sa French forces.
