Sa ginapasangkad nga crackdown batuk sa “paihi” modus ukon ang ilegal nga pagsaylo sang krudo, dakop sang Bureau of Customs (BOC), ang isa ka fuel tanker kag apat ka lorry nga nagasaylo sang smuggled fuel sa Port of Batangas.
Matapos mabaton sang Customs Intelligence and Investigation Service (BOC-CIIS) ang impormasyon gilayon nila ini nga ginsalakay kaupod ang Enforcement and Security Service (ESS), ang M/TKR Cassandra Tanker Vessel kung sa diin una na nga may karga nga 1.8 milyon ka litro.
Ginpatigayon sang ahensiya ang SGS fuel marking testing kag nahibaluan nga nagnubo ang krudo nga dala sang nasambit nga barko nga nagapamatuod wala sini pagbayad sang buwis kabangdanan agud nag-isyu si District Collector Noah M. Dimaporo sang Warrant of Seizure and Detention batuk diri.
Ginsiling naman ni BOC Commissioner Bienvenido Y. Rubio nga ang operasyon, ginpatigayon bilang sabat sa mga impormasyon nga nabataon sa lapnagon nga pagpangawat sang krudo sa mga dulungkaan.
Suno naman kay BOC-Customs Intelligence and Investigation Service (CIIS) Director Verne Enciso, nga ang ila team ang nagapanguna sa operasyon sa Domestic Docking Area sang port.
Gilayon man nga ginpunggan sang ESS-CPD team kag iban pa nga lokal nga opisyal sang dulungkaaan ang mga lorry truck nga may ginabulubanta nga may unod 40,000 litrokag isa pa nga may ginabulubanta 14,000 litro, duha ka wala unod nga lorry trucks kag isa ka L300 van sa lugar.
Samtang ang tag-iya ukon ang kapitan sang barko kag mga crew sini pasakaan sang mga kaso nga paglapas sa Section 1113 may kaangtanan sa Section 1401 sang Republic Act 10863 ukon Customs Modernization and Tariff Act (CMTA) kag sa Section 80 sang RA 10963 ukon Tax Reform for Acceleration and Inclusion (TRAIN) Law.
