Nadakpan na ang isa ka babaye nga ginakabig gabunan nga kawatan sa Barangay Lawaan syudad sang Roxas.
Ginkilala ang biktima kay Edelyn Obugan Hierro, 39-anyos kag residente sang nasambit nga barangay samtang ang amo nga suspect ang ginkilala kay alyas Gina, 44-anyos sang Barangay Bancal, Carles iloilo kag temporaryo nga nagapuyo sa syudad sang Roxas.
Sa impormasyon nga nakuha sang Bombo Radyo nagikan sa Roxas City Police Station ginpahayag nga nag-agi ang amo nga suspek sa bukas nga pertahan sa likod sang balay sang biktima kag nagpadulong siya sa sulod sang kwarta sang biktima nga wala ini mabatyagan.
Suno pa diri nga ginbantayan lang sang suspetsado nga tulog ang biktima kag iban nga mga yara sa balay kag ginkuha sini ang sling bag sang biktima nga may sulod nga ginabanta P90,000.
Dugang pa nga naglumpat ang amo nga persona sa pader sang eskwelahan kag ginapahayag nga didto nagpanago ang amo nga suspetsado.
Madasig nga nagreport sa mga kapulisan ang amay sang biktima kag ila na ginbantayan ang amo nga persona rason nga nadakpan ini sang mga residente sa lugar.
Sa karon, yara na ini sa paghinakop sang Roxas City Police Station ang suspetsado para sa nagakaigo nga disposisyon.
