Gamay nga buhin sa presyo sang kerosene kag diesel, ginpatuman subong nga adlaw

Dulungan nga nagpatuman sang buhin sa presyo sang ila produkto ang mga kumpanya sang langis.

Kaina alas 6:00 sang aga ginpatuman ang P0.20 nga buhin sa presyo sa kada litro sang diesel.

Samtang ang Kerosene may P0.40 nga buhin sa kada litro.

Wala naman sang pagbag-o sa presyo sang gasolina subong nga semana.

Isa sa mga nakit-an nga rason sang Department of Energy (DOE) amu ang anunsiyo sang Organization of the Petroleum Exporting Countries (OPEC) nga pabaskugon ang suplay sang langis sa bulan sang Abril.

Nagtaas man ang oil inventory sang US nga amu ang nagdugang sa suplay sa bug-os nga kalibutan.