Ginganyat ni Senador Win Gatchalian ang Bureau of Immigration (BI) nga pabaskugon ang koordinasyon sa iban nga pungsod agud matumod kag dakpon ang mga kriminal nga naggamit sang ‘backdoor exit’, kalakip ang mga nagpalusot sang ilegal nga sigarilyo kag vape.
Suno kay Gatchalian, padayon nga nagataas ang numero sang mga smuggled nga sigarilyo sa pungsod. Ginsambit niya ang kaso ni Guo Hua Ping ukon Alice Guo, isa ka Chinese national kag anay alkalde sa Tarlac, nga ginsentensyahan sang lifetime nga pagkapreso bangud sa human trafficking. Matapos nga nagpalagyo, nadakpan ini sang Interpol kag ginpabalik sa Pilipinas sa bulig sang mga awtoridad sa Indonesia.
Ginmensyunar man niya sanday Atty. Harry Roque, anay Congressman Arnulfo Teves, kag Atong Ang bilang mga ginapatihan nga nakalusot sa pungsod gamit ang backdoor exit.
Suno kay Gatchalian, importante ang pagpakusog sang international coordination kag pagpakigbahin sang impormasyon agud mabalabagan ang mga high-profile nga kriminal nga nagapatigayon sini.
