Trending sa social media ang bag-o nga portrait sang Filipina beauty queen nga si Binibining Pilipinas Universe 2019 Gazini Ganados matapos siya ginpakilala bilang bag-o nga contestant sa inaugural edition sang Miss Grand International All Stars.
Ginpaguwa sang Miss Grand International ang headshot ni Gazini sa ila social media page agud ipakilala ini bilang isa sa mga delegado sang pinakauna nga MGI All Stars pageant.
Ang MGI All Stars isa ka espesyal nga edisyon sang pageant nga nagatipon sang mga veteran ukon mga anay contestant sa nagkalain-lain nga national kag international beauty pageants agud mag-indis-indis liwat para sa daku nga international title.
Bukas ang kompetisyon sa mga kandidata nga nakapasakop na sa iban nga mga pageant, lakip na ang mga nakadaug sang international titles, subong man sa may mga asawa, may kabataan, kag transgender women.
Ginlaragway naman sang organisasyon ang Filipina-Palestinian nga model, aktres, kag personalidad sa TV nga kilala sa iya “striking beauty, commanding stage presence, and inspiring life story.”
