Ginpakilala na sang singer nga si Geneva Cruz ang iya nga nobyo.
Sa social media account sini gin-post sang actress ang laragway sang nobyo nga si Dean Roxas.
Ang nobyo sini miyembro sang Philippine Brazilian Jujitsu national team kag coach sa Lucas Lepri Philippines.
May caption pa ini sa iya nga post natuhoy sa pila ka mga torneo nga ginpasakupan sang nobyo kag pila man ka nagahilapit nga hampang nga iya pagapasakupan.
Nahibaluan nga nagguwa na ang nobyo sa Christmas music video sini sang nakaligad nga tuig.
Tuig 1995 sang ginkasal ang singer sa drummer sang banda nga Introvoyz nga si Paco Arespaccochaga kun sa diin may anak sila nga si Heaven tubtob nga ma-annulled ang ila nga kasal sadtong 2001.
Ginkasal man ang actress sa DJ nga si KC Montero tubtob nga magbulagay sila sadtong 2012. May ara man ini nga anak sa nakarelasyon nga si Lee Paulsen.
