Ginsuguran na sang Gilas Pilipinas ang 10 ka adlaw nga training para 2nd window sang FIBA world Cup Asian Qualifiers.
Suno Kay Gilas head coach Tim Cone, may yara sang pila ka mga pagbag-o sa lineup sang national basketball team.
Gindala nila si Justine Baltazar para sa pratice, nga nag-average sang 14.8 points kag 14.2 ka rebounds.
Siya man ang mangin backup bangud indi makahampang si Kai Sotto kag Quentin Millora-Brown.
Dugang pa ni Cone nga nagdesisyon si Millora-Brown nga indi anay maghampang sa Gilas Pilipinas samtang bag-o lang naka-recover sa injury si Sotto kag may yara pa ini sang tournament nga pagasakupan sa Japan.
Sa una nga adlaw sang sesyon, nagtambong sanday Justine Brownlee, June Mar Fajardo, Scottie Thompson, Calvin Oftana, Cjay Perez, Chris Newsome, RJ Abarrientos kag Troy Rosairo.
Maga-atubang ang Gilas sa New Zealand sa Pebrero 26 samtang ang Australia ang pagahuwaton naman sa Marso 1.
