Ginsuguran na sang Gilas Pilipinas ang paghanas, isa ka semana bag-o ang ila nga friendly games sa Doha, Qatar.
Suno kay Gilas coach Tim Cone nga ang pag-intra nila sa Qatar ang kabahin naman para sa third window sang FIBA Asia Cup Qualifiers.
Una nga makahampang nila amo ang Qatar kag Lebanon sa Pebrero 15 kag ang Egypt naman sa Pebrero 17.
Bangud sa sulod na sila sa FIBA Asia Cup 2025 sa bulan sang Agosto gamiton nila ang mga nasambit nga hampang para mapabakod pa ang ila nga grupo.
Kahigayunan ang friendly games sa Qatar nga mahanas sanday AJ Edu kag Jamie Malonzo agud maka-adjust sila sa pagkadula ni Kai Sotto nga nagpaayo sa iya nga injury.
Gin-ako man ni Cone nga kun indi sila kwalipikado sa FIBA Asia Cup, indi sila makahampang sa friendly games sa Doha kag pagatutukan na lamang nila ang hampang sa Chinese Taipei kag New Zealand.
