Magasugod na ang training camp sang Gilas Pilipinas para sa 2025 FIBA Asia Cup sa Lunes, Hulyo 7.
Suno kay Gilas coach Tim Cone, orihinal nga natalana nga mag-umpisa ang team sa Hunyo 30 apang bangud sa pila ka wala ginalauman nga mga sirkumstansya, ginpakamaayo nila nga mag-umpisa sa Hulyo 7.
Magahiwat sila sang semana nga mga sesyon sang paghanas, nga ang mga humalampang ginalauman nga mahanas sang bug-os sa katapusan sang semana.
Bilang kabahin sang ila preparasyon, magahampang sila sang send-off friendly match batuk sa Macau Black Bears sa Hulyo 28 sa Araneta Coliseum.
Ginpahayag ni Samahang Basketbol ng Pilipinas President Al Panlilio nga dako nga bulig para sa men’s national basketball team ang tune-up games halin sa iban nga pungsod.
Ang Gilas Pilipinas maga-atubang sa New Zealand, Chinese Taipei kag Iraq sa group stage nga magasugod sa Agosto 5 tubtob 17 sa Jeddah, Saudi Arabia.
