Opisyal na nga nag-umpisa ang kampanya sang Gilas Pilipinas sa FIBA Asia Cup 2025 nga ginapatigayon umpisa Agosto 5 tubtob 17 sa Jeddah, Saudi Arabia.
Makaatubang sang pungsodnon nga koponan sa Group D ang Chinese Taipei, New Zealand, kag Iran.
Ginapamunuan sang batikan nga coach nga si Tim Cone ang grupo sa diin nga katuyuan man sang Gilas nga malabwan ang ika-duha nga puwesto sang 2022 kun sa diin nagtakop lamang sila sa ika-siyam nga pwesto.
Samtang, yari ang Game Schedule sang Gilas Pilipinas (Group Stage):
Agosto 6 (Miyerkules), 2:00 AM – vs Chinese Taipei, Agosto 7 (Huwebes), 11:00 PM – vs New Zealand, Agosto 9 (Sabado), 4:00 PM – vs Iran
Ginakalakipan naman ang 12-man Lineup sang Gilas Pilipinas nanday AJ Edu, Calvin Oftana, Carl Tamayo, Chris Newsome, Dwight Ramos, Jamie Malonzo, Japeth Aguilar, June Mar Fajardo, Justin Brownlee, Kevin Quiambao, Scottie Thompson, kag CJ Perez.
Apisar may pila ka mga players ang nagabatyag sang injury, ginalauman nga magahatag sang maayo nga hampang ang Gilas para sa kadalag-an sang pungsod.
