Napaslawan ang Gilas Pilipinas sa Chinese Taipei 95-87 sa ila una nga hampang sa 2025 FIBA Asia Cup.
Ang Chinese Taipei ang nagdominar sa hampang nga nagbilin sa national basketball team sang pungsod nga wala sang abanse halin sang pagsugod sang torneo nga ginhiwat sa Jeddah, Saudi Arabia.
Nangin isa ka hangkat sa Gilas nga foul trouble sang naturalized player nga si Justin Brownlee, sa diin ini ang na-foul out sa una nga bahin sang last quarter.
Gintinguhaan sang Gilas Pilipinas nga siraduhan ang bentaha, apang mabaskog ang depensa kag opensa sang Chinese Taipei.
Ini ang ikaduha nga kapierdihan sang Gilas sa kamot sang Chinese Taipei, ang una sadtong bulan sang Pebrero.
Nagpanguna man si Ying-Chun Chenpara sa Chinese Taipei, nga naka-iskor sang 34 puntos. Masunod nga atubangon ang Gilas ang New Zealand kag Iraq para sa Group D sang torneo.//
