Nagpasundayag ang Gilas Pilipinas Youth sa pagbukas sang ila kampanya sa FIBA fi U16 Asia Cup SEABA Qualifiers matapos malutos ang Vietnam, 113-62, sa Bren Z. Guiao Convention Center sa Pampanga.
Ini ang labing una nga opisyal nga hampang sang PBA legend nga si LA Tenorio bilang head coach sang national youth team.
Bisan pa nga malapit ang hampang sa una nga quarter (29-20), si Gilas nag-isol sa ikaduha nga quarter kag nakarekord sang 61-33 nga abanse sa halftime kag wala gid mag-atras.
Si Travis Pascual ang nagpanguna sa opensa sang Gilas nga may 16 puntos, samtang si Prince Cariño ang may double-double nga may 16 puntos kag 12 ka rebounds.
Si Jolo Pascual nakaamot man sang 14 puntos kag 10 puntos halin kay Jhustin Hallare.
Sa karon may yara na sang 1-0 nga record ang Pilipinas kag masunod nila nga atubangon ang Thailand bwas sa gab-i sa amo man nga venue.
