Nakitaan sang pagnubo ang nunero sang mga gin-igo sang dengue sa pungsod sa nakaligad nga duha ka semana.
Sa datos sang Department of Health (DOH), sumugod Enero 26 tubtob Pebrero 8, nakapagkit sang 15,550 nga kaso sadtong Enero 15 tubtob Enero 25 nga nagnubo sang 7% ukon 14,476 nga mga kaso matapos nag-ayo nagikan sa sakit ang masobra 1,000 nga gin-igo sang sakit.
Suno sa DOH, mas mataas sa gihapon sang 64% ang napagkit nga kaso subong nga tuig kung ikumparar sadtong 2024.
Sa kabug-usan, sumugod Enero 1 tubtob Pebrero 22, 2025, nakapagkit na sang 52,008 nga dengue cases.
Mas manubo naman ang fatality rate sa dengue subong nga tuig kung ikumparar sa napagkit sadtong 2024.
Maikumparar ini sa mas temprano nga diagnosis kag madasig nga pagresponde sa kinahanglanon sang mga pasyente nga biktima sang nasambit nga sakit.
