Arestado ang ginakabig nga Most Wanted Person matapos ginserbihan sang warrant of arrest sa banwa sang Dumarao.
Ang wala na ginhingadlan nga akusado ang residente sang nasambit nga banwa.
Sa nakuha nga impormasyon sang Bombo Radyo nagikan sa Dumarao PNP, nagapangatubang ang akusado sa kaso nga RA 10591 ukon “Comprehensive Law on Firearms and Ammunitions Regulation Act”.
Natigayon naman ang amo nga operasyon sa gintingub nga pwersa sang Dumarao PNP, Second Maneuver Platoon, kag Second Capiz PMFC.
Ang warrant of arrest ang ginpapanaog kag ginpirmahan ni Acting Presiding Judge Kristine B. Tianco-Vinculado, sang Regional Trial Court, Sixth Judicial Region, Branch 16, Hall of Justice, Roxas City, Capiz.
Ginrekomendar naman sang korte ang P120,000 nga piyansa para sa temporaryo sini nga kahilwayan.
Sa karon, yara na sa paghinakop sang Dumarao MPS ang akusado kag natalana nga iturn-over sa court of origin para sa nagakaigo nga disposisyon.
